Jashn Meraj Ka Aaj Ki Raat Hai

 

Dono Alam Mey Noorun Alaa Noor Kyun
Kaise Rahmat Fiza Ajj Ki Raat Hai

Yeh Masarrat Hai Kiski Mulaqaat ki
Eid ke Din Hai Ya Ajj Ki Raat Hai

Din Bhaley Ho Toh Dil Uska Majnu Baney
Zaif Shaab e Goh Mey Har Rooz Uljha Rahe

Urni Chaand Taroon Ki Udrey Huwe
Laili Dil Ruba Ajj Ki Raat Hai

Toor Choti Ko Apne Jhukane Laga
Chandni Chand Har Soo Bichaney Laga

Arsh se Farsh Tak Jhagmaga Ne Laga
Rashq Subh o Safa Ajj Ki Raat Hai

Wo Habib e Khuda Sayidil Mursaleen
Khatamul Ambiya Shahe Dunya Wa Deen

Bazm e Qausain Mey Hogey Masnad Nasheen
Jashn Meraaj Ka Ajj Ki Raat Hai

Tur Par Rifat La Makani Kaha
Lan Tarani Kaha Mar Rani Kaha

Jiska Saya Nahi Uska Sani Kaha
Uska Ek Mojiza Ajj Ki Raat Hai

Khwab e Rahat Mey Thy Umm e Haani ke Ghar
Akey Jibreel Ney Yeh Sunaee Khabar

Chalye Chalye Shahinshah Wala Gohar
Haqq Ko Shauk e Liqa Ajj Ki Raat Hai

Jago Jago Shahinshah e Dunya Wa Deen
Utho Utho Zara La Makaan Ki Makeen

Dekho Dekho Ye Hazir Hai Roohul Amin
Rooh Tum Par Fida Ajj Ki Raat Hai

Kooh e Se Kaah Tak Dil Mey Masroor Hoon
Shauk Se Gharb Tak Jalwa e Tur Ho

Arsh se Farsh Tak Noor Hi Noor Ho
Laakh Din se Siwa Ajj Ki Raat Hai

Bark Se Tez Hai Buraaq Aapka
Q Ke Khaliq Ko Hai Ishtiyaaq Aapka

Ab Nahi Dekha Jata Firaaq Aapka
Jaldi Chalna Rawa Aajki Raat Hai

Baag e Alam Mey Baad e Bhahari Chali
Sarwar e Ambiya Ki Sawari Chali

Ye Sawari Suwe Zaat e Baari Chali
Abre Rehmat Utha Ajjki Raat Hai

Jazb e Husn e Talab Har Qadam Saath Hai
Daye Baye Fariston Ki Baraat Hai

Sar Pe Noorani Saherey Ki Kia Baat Hai
Shaha Dulha Bana Aajki Raat Hai

Ghaat Wo Ghaat Jis Ghaat Mey Baat Ho
Baat Wo Baat Jis Baat Mey Baat Ho

Raat Wo Raat Jis Raat Mey Raat Ho
Ho Luft Us Baat Ka Ajjki Raat Hai

Kaun Jata Hai Sultan e Dunya Wa Deen
Kis Taraf Arsh Par Zaat Haqq Ki Qaree

Lene Atey Hai Yeh Kaun Roohul Ameen
Kab Hai Wasl e Khuda Ajjki Raat Hai

Itar Rehmat Faristey Chiraktey Chale
Jiski Khushboo Se Raastey Mahektey Chaley

Chaand Taaron Jalwa Mey Chamaktey Chaley
Kahkashah Zerpa Aaj Ki Raat Hai

Aur Nabiyo Ko Yeh Martaba Hi Nahin
Arsh e Azam Pe Kohi Gaya Tak Nahin

Aisa Rutba Kisi Ko Mila Hi Nahin
Jaisa Rutba Tera Ajj Ki Raat Hai

Hukm Tha Ay Falaq Ab Qadam Choom Ley
Jhuk Key Har Ek Malak Ab Qadam Choom Ley

Arsh Dekhi Jhalak Ab Qadam Choom Ley
Tujpe Shah e Dana Ajj Ki Raat Hai

Chaand Hala Hai Us Ruwe Bedaag Ka
Uske Akhon Mey Surma Hai Maazaag Ka

Yeh Wahi Gul Hai Tauheed Ke Baag Ka
Jiske Zulf e Duta Ajj Ki Raat Hai

Khalwat e Khaas Mey Yeh Huzuri Huwi
Qurb Hi Qurb Tha Dur Doori Huwi

Thi Jo Dil Mey Tamanna Wo Puri Huwi
Deed Da e Shawk wa Aaj Ki Raat Hai

Arsh Se Ek Katra Zubaan Par Gira
Ilm Har Shay Ka Us Waqt Hasil Huwa

Phir Toh Dekha Jo Dekha Suna Jo Suna
Go Mago Majra Aaj Ki Raat Hai

Jis Maqaan Mey Faristey Ki Jaltey Hai Par
Usme Raaz o Niyaaz e Basheer o Bashr

Naaz o Andaaz Idhar Udnu Minni Udhar
Har Ada Mey Ada Aaj Ki Raat Hai

Phir Kaha Haqq Ney Jalwa Mere Dekh Ley
Wo Mujhe Dekh Ley Jo Tujhe Dekh Ley

May Tujhe Dekhlu Tu Mujhe Dekh Ley
Dekhney Ka Maza Aaj Ki Raat Hai

Tu Na Mujse Alag May Na Tujse Juda
Tujse Jo Mil Chuka Wo Mujse Milaa

Aur Jo Tujse Gaya Wo Mujse Gaya
Bas Yahi Faisla Aaj Ki Raat Hai

Har Taraf Rehmat e Haqq Ki Johar Khiley
Us Taraf Shafa at Ki Daftar Khuley

Kahe Diya Dekh Ley Faiz Ke Dar Khuley
Maang Jo Maangna Aaj Ki Raat Hai

Shaha Ney Arz Ki Ummat Gunehgaar Hai
Baksh Dey Mere Malik Tu Gaffar Hai

Tujko Asaan Hai Sab Mujko Dushwar Hai
Fikr Rozey Jaza Aaj Ki Raat Hai

Phir Yeh Haqq Ne Kaha Mere Pyare Nabi
Tu Mera Chaand Hai Aur Taarey Nabi

Aisa Ghabra Na Ay Mere Pyare Nabi
Aisi Jaldi Hi Kia Aaj Ki Raat Hai

Luft Jab Hai Ki Dekhege Sarey Nabi
Hogi Teri Shafa at Pe Rahmat Meri

Baksh Duga Qiyamat Mey Ummat Teri
Tujse Wada Mera Ajj Ki Raat Hai

Tujse Banda Mera Agar Kohi Fir Gaya
Tabqa e Naar e Dozak Mey Wo Gir Gaya

Aur Jo Emaan Laya Wahi Tir Gaya
Yeh Mera Mud dua Aaj Ki Raat Hai

Sab Namaaz Aur Roza Sikha Dijiye
Baag e Jannat Ka Muzda Suna Dijiye

Qaida Bandagi Ki Bata Dijiye
May Ney Jo Kuch Kaha Aaj Ki Raat Hai

Kaha Akhir Yaha Bhi Hai Ana Tumhe
Ek Din Hi Mujhe Muh Dekhana Tumhe

Phir Yeh Socheyga Hila Bhahana Tumhe
Dekho Samjha Diya Aaj Ki Raat Hai

Phir Hua Hukm e Raab Sayr Jannat Karo
Aur Makaanat Ummat Ki Sab Dekh Lo

Aur Jo Kuch Zarurat Ho Hum Se Kaho
Baab e Rahmat Khula Aaj Ki Raat Hai

Dono Alam Mey Salli Ala Ki Hai Gul
Sun Kar Dar e Khuld Jatey Hai Khul

Baag e Jannat Mey Jata Hai Wahdat Ka Gul
Thandi Thandi Hawa Aaj Ki Raat Hai

Amad Amad Ki Jannat Mey Dhoom e Machey
Hoor e Tazeem Ke Waastey Jhuk Gayi

Bulbuley Phool Ki Daaliya Le Chali
Har Taraf Marhaba Aaj Ki Raat Hai

Har Muradey Dili Haqq Se Milti Rahi
Wapas Aye Kali Dil Ki Khilti Rahi

Bistar Garam Zanjeer Hilti Rahi
Yeh Ajab Mojiza Aaj Ki Raat Hai

Mojaza Yeh Muhammad Ka Tahqeeq Hai
Jisne Tasdeeq Ki Wo Siddiq Hai

Aur Jo Munkir Hai Jaahil Zindeeq Hai
Wo Wada e Khuda Aaj Ki Raat Hai.