Ghusul Ka Bayan

꧁༺𓊈  بِسْمِ اللهِ الرَّحْمٰنِ الرَّحِيْمِ  𓊉༻꧂

Madrasat-ul-Kibaar

 

︗︗︗︗︗︗︗︗︗︗︗︗

{             Ghusl Ka Bayan         }

︘︘︘︘︘︘︘︘︘︘︘︘

 

Assalamualaikum O Rehmathullahi O Barakatuhu 

Hamare Aaqa Sarkar-E-Do Aalam Sallallahu wa’alaihi Wasallam Ne Jo Nahane Ka Tariqa Bataya Hai Use Ghusl Kehte Hai. Is Tarah Nahane Se Insaan Ka Jism Paak Hota Hai. Jism Par Sirf Paani Baha Dena Ghusl Nahi.

   

GUSUL KI 4 KISME HAIN

 

1. Farz Ghusl    2. Wajib Ghusl   3. Sunnat Ghusl     4. Mustahab Ghusl 

Farz Ghusl 3 Hai

Ghusl-E-Janabat,  Ghusl Baade Inkita'ye AHTILAAM / Haiz Aur Ghusl Baade Inkita'ye Nifaas. 

 

Wajib Ghusl 2 Hai
Zindao Par Murdo Ko Ghusl Dena Wajib Hai
Aur Agar Kul Badan Najasat Aalood Ho Jaye Ya Badam Ke Kisi Hisse Par Najasat Lag Jaye Lekin Maqame Najasat Malum Na Ho To Ghusl Wajib Hai.

 

Sunnat Ghusl Fiqhe Hanafi Ke Najdik 5 Hai.

● Juma Ki Namaz Ke Liye
● Eid Ul Fitr Aur Eid Ul Azha Ke Liye
● Ehram-E-Hajj Ya Umra Ke Liye
● Araafat Me Theherne Ke Liye
● Islam Me Dakhil Hone Ke Waqt

 

Mustahab Ghusl 18 Hai.

● Deewangi, Gashi Aur Nasha Ki Sarmasti Door Hone Ke Baad
● Poochne Lagwane Ke Baad
● Shabaan Ki 15 Tarikh Ko
● 9 Zilhijja Ki Raat Ko
● Maqame Mujdalfa Me Thaherne Ke Waqt
● Zilhijja Me Kurbani Karne Ke Waqt
● Kankadiya Phekne Ke Liye Meena Me Dakhil Hote Waqt
● Tawafe Ziyarat Ke Liye Makkah Sharif Me Dakhil Hone Ke Waqt
● Shab-E-Qadr Me
● Suraj Aur Chand Ka Grahan Hone Ke Waqt
● Talab-E-Baarish Ki Namaz Ke Liye
● Kisi Khauf Ke Waqt
● Agar Sakht Aandhi Aa Jaye Ya Koi Aur Arzi Wa Samawi Aafat Ho To Usko Door Karne Ke Liye
● Madina Munawwarah Me Dakhil Hone Ke Waqt
● Naye Kapde Ya Safed Libas Pehenne Ke Waqt
● Murde Ko Ghusl Dene Ke Baad
● Safar Se Wapsi Ke Baad
"Niyat Ki Maine Ke Ghusl Karu Napaki Ko Door Karne Ke Liye"

 

 

........ GUSUL KI NIYAT.........
"Nawaitu An Agtasil Min Ghusli Lirfaa'il Hadsi"
Tarzuma:
Niyat Se Murad Dil Me Pakka Irada Kar Lena Hai Aur Zaban Se Kehna Afzal Hai. Aap Yu Bhi Niyat Kar Sakte Hai
Ghusl Me 3 Baate Farz Hai. Inme Se Koi Bhi Ek Rah Jaye To Ghusl Na Hoga. Aur Na Nahanewale Ko Sunnate Mustafa Sallallaho Alaihi Wasallam Ke Mutabiq Paakizgi Hasil Hogi.

▪GUSL me kitne farz hai...?

 ★ Ghusl me 3 farz hai agar unme se aik me bhi kami hui to ghusl nhi hoga.

 ★ Munh bhar kulli karna...ayse k hont se halaq ki jad tak...daadhon k piche gaalon ki teh mein...danton ki jad or gaps mein har jaga pani beh jaye..

 ★ Naak mein paani chadhana...ayse k dono nathunon ka jahan tak naram hissa hai wahan tak paani pohonch jaaye....baal k baraabar bhi jaga dhulne se reh na jaaye..naak k andar agar riinth sukh gayi ho to uska chhudaana farz hai..

 ★ Tamam zahiri badan yani sar k balon se pairon k talwon tak jisam k har purze har rongte par paani bahaana..

          GHUSL KA SUNNAT TARIQA         

🎇 2⃣

▪GHUSL ka sunnat tariqa..

 ★ Ghusl-khaane me dakhil hone or be-libas hone se pehle niyyat or Bismillah or dua padh lein..

 ★ Pehle dono haath gatton tak 3

      baar dho lein..

 ★ Fir peshaab paakhaane ki jaga dho

      lein chaahe gandgi lagi ho ya na

      lagi ho..

 ★ Fir badan par kahin bhi gandagi

      lagi ho use duur karein..

 ★ Fiir wuzu kare fir badan par tel ki

      maalish ki jati hai is tarah paani

      masle khas kar thandi k mosam

      mein..

 ★ Fir 3 baar sidhe kandhe par se

      paani bahaayein..

 ★ Fir 3 baar ulte kandhe par se paani

      bahaayein..

 ★ Fir sar or tamaam body..badan par

      3 baar paani

      bahaayein..

 ★ Nahaate huwe kisi tarah ki

      batachit na karein..

 ★ Nahane k baad foran kapde pahen

      lein.

     IN BATON KA DHYAN RAKKHEIN

🎇 3⃣

▪GHUSL mein in baaton ka khaas khayal rakkhein...

 ★ Agar mard k baal gundhe huwe hon to unhein khol kar jad se nok tak paani bahaana farz hai..

 ★ Awrat ko sirf baalon ki jad tar kar lena zururi hai kholna zururi nahi...

      Agar choti itni fit gundhi hui ho k khole baghair jadein tar na hogi to kholna zururi hai..

 ★ Agar kaano mein baali ya naak me nath ka hole ho or wo band na ho to usme paani bahaana farz hai..wuzu mein sirf naak or ghusl me kaan ki surakho (hole) me bhi pani bahaaein..

 ★ Haathon ko utha kar baghlein dhoein..

 ★ Pet me jo silwatein ( motaape..jaadepan ki wajah se ) ho to unhein utha kar dhoein..

 ★ Naaf (dooti ) me bhi paani dalein or behne me shak ho to ungli dal kar dhoein..

 ★ Dono surhin ( badan k jis hisse par ham baith te hain ) un dono ke milne ki jagah par khaas tawajjo se dhoein jab khade ho kar shower me naha rahe ho..

 ★ Zakar ( mard ki peshab ki jaga ) or unsayain ( pote..goliyan ) dono chizon k bich ki jaga jad tak dhoein..

 ★ Jiski khatna na hui ho or uski chamdi chad sakti ho to chamdi chadha kar pani ponhchayein..

★ Jangh Aur Pedoo Ka Jod Aur Jangh Pindli Ka Jod

 ★ Kaan Ka Har Purza Aur Uske Surakh Ka, Kaano Ke Piche Baal Utha Kar Paani Bahaye.

      AWRATON k liye khaas ahtiyaat

 ★ Jhuki hui pistanon ( siino ) ko utha kar paani bahaein..

 ★ Pet or pistaan k jod ki lakir khaas dhoein..

 ★ Agar nail polish nakhunon par lagi hui hai to usko utarna farz hai warna ghusl nai hoga..

 ★ Aaj kal baalon ko mukhtalif rangon se rangne ki fashion chal pada hai..suna hai k wo jo chemicals hote hai wo baalon par cover ki tarah chadh jaate hai to agar aysa hai to baalon tak pani ponhchega hi nahi to ghusl kaise hoga...to tehqiq kar k aysi chizein istimaal karein..

 ★ Albatta mehndi ho to us k rang mein koi haraj nahi..

 ★ Farje Khaarij O daakhil ( matlab sharm gaah k baahar O andar ) ehtiyaat se paani pohnchayein Or khaas kar jab Haiz O Nifaas k baad ghusl karein to narm kapde ya cotton se andar k hisse se khoon ka asar zarur saaf karein. ( behtar paaki ke liye or bimariyon se bachne ke liye )

      KIN BAATON SE FARZ HOTA HAI

🎇 4⃣

▪GHUSL kin baaton se farz hota hai.

 ★ 5 baton se gusl farz hota hai...

 ★ Mani ka apni jaga se shehwat ( josh ) k saath juda ho kar uzwu ( mard ki peshab ki jaga )se nikalna..

 ★ Ahtilaam..Matlab...Nind ki haalat mein mani ka nikal jana..

 ★ Awrat ki sharm gaah mein HASHFA ( mard ki peshab ki jagah ka oopar ka jissa..Supari ) dakhil ho jaana...Chaahe shehwat ( josh ) ho k na ho...INZAAL ( josh se mani nikalna ) ho ya na ho...dono awrat O mard par ghusl farz hai..

 ★ Awrat par Haiz se faarig hone k baad..

 ★ Awrat par Nifaas se faarig hone k baad..

 ★ NIFAAS... matlb bachche ki paidaish k baad awrat ko jo khoon aata hai use nifaas kehte hai..

 ★ NIFAAS ki zyada se zyada muddat 40 din hai...Agr 40 din k baad bhi band na ho to bimaari hai..

 ★ 40 din pure hote hi ghusl kar le...Agar 40 din se pehle band ho jaaye to ghusl kare or namaaz shuru kar de.

        GHUSL K KUCH AUR MASAAIL

🎇 5⃣

▪GHUSL k kuch aur masaail..

 ★ Agra mani shehwat k sath na nikle bl k..Wazan uthane se...Ya Unchi jaga se girne se.....Ya paakhaane karne mein taaqat lagane se to in wujuhaat se ghusl farz nahi hoga..

 ★ Agar mani patli pad gayi or peshaab k waqt ya waise hi baghair josh k nikle to ghusl farz nahi hoga..lekin wuzu toot jayega..

 ★ Agar nind mein ahtilaam hona yaad hai magar kapde par koi nishaan nahi to ghusl farz nahi..

 ★ Apne haathon se maaddaa nikaalne se ghusl farz ho jata hai...matlb....apne haath se peshab ki jaga masal kar mani nikaalne se..

▪Mafhume Hadis...

      Mushte zani ( haath se masal kar ) karne wala MAL-OON hai...Yani  us par laanat hai..

 ★ Aysa karne se mardaana kamzori paida hoti hai or aksar dekha gaya k aysa karnewale SHADI k laayaq nahi rehte.

▪Siyedi AalaHazrat....alyhirrahmatu warridwaan...is tarah k aik sawal k jawab me farmate hai...K Aysa karne wala gunahgaar hai...Faasiq hai...or Hashr mein ayse logon ki hatheliyan HAAMELA hongi or itne bade majma e aazam me uski ruswaayi hogi agar TAUBA na kare...fir ILAAJ tehrir farmate hai....

 ★ Ayse logon ko chahiye k khub zyada lahol sharif padhe...or Jb bhi shaitan is kam ki taraf bulaye foran lahol padhe....

 ★ Namazon ki pabandi kare...or namaaze fajr k baad surae IKHLAAS padhe....QUL HUWALLA HU AHAD...puri surat padhe.

    GHUSLE JANABAT Kise kehte hai

🎇 6⃣

▪GHUSLE janaabat kise kehte hai

 ★ Shohar or biwi ki khaas  mulaqaat...( wazifa e zaujiyat ) k baad jo ghusl kiya jaata hai use ghusle janaabat kehte hai..

 ★ Ghusle janaabt farz hai...or Jab bhi farz ho foran ghusl kar lein k Itni der hargiz na kare k namaaz qaza ho jaaye..

 ★ Is tarah ka ghusl jis par farz hai use JUNUB kehte hai...

 ★ Jis ghar mein junub...kutta...ya taswir ho us ghar mein rehmat k fariste nahi aate.

       DARIYA - TAALAAB - BAARISH

▪DARIYA or TAALAAB or BAARISH  me GHUSL kaise karein ?

 ★ Darya ya naher mein ghusl karne k liye sirf...thodi der saare jisam ko paani me dubaa kar ruke rahein ghusl ho jayega.......kulli zurur karein or naak mein paani bhi chadayein..

 ★ Taalaab..ya hoz mein ya koi thehre huwe paani me ghusl k liye paani mein utar kar apne badan ko 3 baar harkat dein ya jaga badlein or kulli or naak mein paani chadayein..

 ★ Baarish me khade ho gaye or saare badan par paani pohonch gaya or kulli or naak mein paani chadha lein ghusl ho jayega.

              MANI - MAZI - WADI

 ★ MANI...ka matlab...

       Wo safaid laisdaar maaddaa jo uzwu e tanaasul ( mard ki peshab ki jaga ) se inzaal ( chhoot ) k waqt uchhal kar josh se nikalta hai...

 ★ MAZI...ka matlab...

      Wo patla chikna maaddaa jo shehwat ( josh..masti ) k ghalbe k waqt nikalta hai..( sexul masti k waqt ...ya kisi ladki ya awrat ko buri nazar se dekhte waqt nikle..ya biwi se khaas mulaaqaat k shuru mein )..

 ★ WADI...ka matlab...

      Peshaab karne k baad kabhi safed chikna maadda nikle...use wadi kehte hai.

       BAALIGH KISE KEHTE HAI...?

 ★ LADKE....ko 12 se 15 saal ki umar k darmiyan AHTILAAM hona...ye BAALIGH hone ki nishaani hai...

 ★ LADKI...ko 9 se 15 saal ki umar k darmiyaan HAIZ aana...ye BAALIGH hone ki nishani hai.....

     AHTILAAM KISE KEHTE HAI..?

 ★ Ladke ko nind ki haalat mein peshaab ki jagah se chikna gaadha maadda ( ragde ki trah ) shehwat k saath nikle.... Isko AHTILAAM kehte hain...

 ★ Chaahe koi khwaab dekh kar ho ya khwaab na dekha magar kapde par ayse nishan dekhe to bhi ye ahtilaam hai.....

        HAIZ KISE KEHTE HAI...?

 ★ LADKI ko 9 se 15 saal ki umar mein peshaab ki jagah se kam se kam 3 din ya zyada se zyada 10 din khoon ka aana.... Ise HAIZ kehte hai...

 ★ Jitne waqt haiz ki haalat mein rahegi itne  waqt namaaz maaf hai jaise hi haiz se farigh hogi foran us waqt se fir namaaz padhna shuru kar de.....

 ★ Agar 3 din se kam ya 10 din se zyada hai to ye ISTIHAAZA ( bimaari ) hai....

 ★ Agar 10 din se zyada hai to 10 din k baad awrat ko namaaz padhni hai chahe khoon jari ho tab bhi..

 ★ Agar BAALIGH hone ki umar tak

       koi nishaani zaahir na ho to..?

 ★ Agar ladke ki umar 15 saal ho gayi or AHTILAAM na huwa tab bhi BAALIGH kehlayega or islami qaanun k hisaab se ab tamaam ahkamaat par amal karna hoga warna gunahgar hoga...

 ★ Agar ladki ki umar 15 saal ho gayi or HAIZ na aaya tab bhi ab wo BAALIGH hai or islaam k tamaam qaanun us par naafiz ho jayenge....